គ្រប់គ្នាតែងតែឃើញស្នាមញញឹមរបស់តារាកូរ៉េរាល់ពេលដែលពួកគេឡើងសម្ដែងលើឆាកតន្ត្រី ប៉ុន្តែប្រហែលជាអ្នកមិនដឹងទេថា ពូកគេទាំងនោះមានទុក្ខក្រៀមក្រំបៀមនៅក្នុងចិត្តពិបាកនឹងថ្លែងប្រាប់នរណាម្នាក់។ ខាងក្រោមនឹងបង្ហាញពីបញ្ហារបស់តារាកូរ៉េ៧រូបដែលសម្រេចចិត្តបញ្ចេញឲ្យគេដឹង៖
១. G Dragon
G Dragon ត្រូវបានគេទទួលស្គាល់ថាជាតារាពូកែរ៉េប និងមានស្ទីល swag ប៉ុន្តែនៅខាងក្នុងនៃភាពអស្ចារ្យនេះ គេគឺជាមនុស្សដែលងាយរំជួលចិត្ត។ ថ្ងៃមួយម្ចាស់បទ “WHO YOU?” បាននិយាយទាំងទឹកភ្នែកក្នុងកម្មវិធីទូរទស្សន៍មួយបន្ទាប់ពីច្រៀងបទ “Heart Breaker” ថា គេតែជៀសឆ្ងាយពីមនុស្សគ្រប់គ្នាដែលស្គាល់ និងមិនចង់ឲ្យពួកគេចូលជិតជីវិតរបស់ខ្លួន។ សូម្បីតែឪពុកម្ដាយ និងមិត្តភ័ក្ដិក៏គេបង្ខំចិត្តមិននិយាយរកដែរ។ GD បានបន្ថែមទៀតថា គេរស់នៅដូចជាដាច់ឆ្ងាយពីមនុស្សជុំវិញខ្លួន និងមានអារម្មណ៍ឯកោ។ “ខ្ញុំមិនបានធ្វើខុសទេ ប៉ុន្តែខ្ញុំមានអារម្មណ៍ដូចអ្នកទោសម្នាក់។ ខ្ញុំមានធ្លាក់ទឹកចិត្តជាយូរមកហើយ”។
២. Suzyក្រុម Miss A
នៅក្នុងក្រសែភ្នែកមនុស្សគ្រប់គ្នាយល់ថា Suzy រស់នៅដោយជីវិតស្រស់ថ្លា។ នាងមានសម្រស់ស្អាត ល្បី មានលុយច្រើន និងមានអ្នកស្រលាញ់ច្រើន។ នេះជាជ្រុងមួយដែលអ្នកដទៃមើលឃើញ ប៉ុន្តែនៅក្នុងកម្មវិធីមួយកាលពីឆ្នាំ២០១៣ Suzy បានសារភាពថា នាងធ្លាប់រងទុក្ខដោយសារជំងឺធ្លាក់ទឹកចិត្ត។ នាងបាននិយាយថា៖”ខ្ញុំធ្លាប់បាក់ទឹកចិត្ត ហើយខណៈនោះខ្ញុំមិនអាចប្រាប់នរណាម្នាក់ទេ។ ថ្ងៃមួយខ្ញុំបាននិយាយលេងសើចជាមួយមិត្តភ័ក្ដិរបស់ខ្ញុំយ៉ាងសប្បាយ ប៉ុន្តែស្រាប់តែពេលភ្លាមៗនោះខ្ញុំក៏ចាប់ផ្ដើមហូរទឹកភ្នែកដោយមិនដឹងខ្លួន។
៣. Jo Kwonក្រុម 2AM
Jo Kwonតែងធ្វើឲ្យមនុស្សគ្រប់គ្នាផ្ទុះសំណើចរាល់ពេលមានវត្តមានរបស់គេនៅទីនោះ។ ប៉ុន្តែមានរឿងមួយដែលអ្នកមិនដឹង Jo Kwonធ្លាប់បាក់ទឹកចិត្ត អំឡុងពេលគេមានអាយុ៨ឆ្នាំនិងជាអ្នកហ្វឹកហាត់ (trainee )ក្នុងផលិតកម្ម JYP ។ ប៉ុន្តែដោយសារការការបាក់ទឹកចិត្តនេះឯង បានធ្វើឲ្យ Jo មិនបោះបង់ និងតស៊ូរហូតបានល្បីដូចសព្វថ្ងៃ។
៤. Lizzy ក្រុម After School
ត្បិតតែ Lizzy តែងផ្ដល់ស្នាមញញឹម និងធ្វើស្ទីលគូរឲ្យស្រលាញ់ (cute) យ៉ាងណាក្ដី នាងធ្លាប់សារភាពថា នាងធ្លាប់រងទុក្ខធ្លាក់ទឹកចិត្ត នៅពេលដែលនាងចូលរួមក្នុងកម្មវិធី “Running Man” ហើយជាសមាជិកប្រកួតម្នាក់។ ប៉ុន្តែក្រោយពីចប់កម្មវិធី Lizzyបាក់ទឹកចិត្តជាខ្លាំង ក្រោយសារព័ត៌មានចុះផ្សាយថា នាងមិនមែនជាសមាជិកប្រកួតទេ គ្រាន់តែជាភ្ញៀវធម្មតាម្នាក់។
៥. T.O.P
កាលពីឆ្នាំ២០០៨ T.O.P ត្រូវបានគេរាយការណ៍ថា បានជួបការឈឺចាប់ដោយសារការវាយប្រហារផ្លូវអារម្មណ៍ ដែលអាចចាត់ទុកថាជាការធ្លាក់ទឹកចិត្តដែរ។
៦. Jinwoon ក្រុម 2AM
Jinwoon បាននិយាយថា បន្ទាប់ពីក្រុម 2AMទៅរៀបចំការប្រគំតន្ត្រីទេសចរណ៍នៅអាមេរិក គេមានអារម្មណ៍ធ្លាក់ទឹកចិត្ត។ គេមិនអាចគេងស្កប់ស្កល់អស់រយៈពេល១ខែ និងចង់រស់នៅម្នាក់ឯង។
៧.Heechul ក្រុម Super Junior
បន្ទាប់ពី Hankyung សម្រេចចាកចេញពីក្រុម Super Junior សមាជិក Heechul ដែលជាមិត្តស្និទ្ធស្នាលនឹងគ្នាបានធ្លាក់ក្នុងភាពបាក់ទឹកចិត្ត។ គេបានឃុំឃាំងខ្លួនឯង មិនចេញទៅបង្ហាញមុខលើឆាកអស់រយៈពេល៣ខែ។ Heechul បានសម្ដែងក្ដីសោកស្ដាយនិងចង់ឲ្យ Hankyung វិលវិញថា៖ “Hankyung ពួកយើងមិនមែនត្រូវការអ្នកសម្រាប់ការច្រៀងឫរាំនោះទេ ប៉ុន្តែពួកយើងមិនអាចបាត់បង់អ្នកទេ ព្រោះបើគ្មានអ្នក Super Junior គឺមិនដូចមុនទេ” ៕គ្រប់គ្នាតែងតែឃើញស្នាមញញឹមរបស់តារាកូរ៉េរាល់ពេលដែលពួកគេឡើងសម្ដែងលើឆាកតន្ត្រី ប៉ុន្តែប្រហែលជាអ្នកមិនដឹងទេថា ពូកគេទាំងនោះមានទុក្ខក្រៀមក្រំបៀមនៅក្នុងចិត្តពិបាកនឹងថ្លែងប្រាប់នរណាម្នាក់។ ខាងក្រោមនឹងបង្ហាញពីបញ្ហារបស់តារាកូរ៉េ៧រូបដែលសម្រេចចិត្តបញ្ចេញឲ្យគេដឹង៖
0 comments:
Post a Comment