សមូហកម្មភាពយន្ដកម្ពុជាកុនខ្មែរកូនខ្មែរសហការជាមួយសែលកាតរៀបចំមហោស្រពភាពយន្តខ្លីចតុម្មុខ លើកទី ៣ (CSFF) ដែលជាគំនិតផ្តួចផ្តើមមួយក្នុងគោលបំណងលើកកម្ពស់និងជូនរង្វាន់ដល់ផលិតករភាពយន្តដែលមានទេពកោសល្យក៏ដូចជារួមចំណែកបំផុសស្មារតីនិងជំរុញឱ្យយុវជនខ្មែរងាកមកចាប់អារម្មណ៍លើការផលិតខ្សែភាពយន្តតាមរយៈការបង្កើតជាកម្មវិធីសិក្សានិងសហការជាមួយក្រុមអ្នកជំនាញជាច្រើនរូបក្នុងវិស័យភាពយន្តផងដែរ។
FILM CAMP MARATHON ជាផ្នែកមួយនៃមហោស្រពភាពយន្តខ្លីចតុម្មុខដែលនឹងប្រព្រឹត្តទៅចាប់ពីថ្ងៃទី ១៨-២៨ ខែកញ្ញា។ កម្មវិធីនេះមានរយៈពេល ១០ថ្ងៃសម្រាប់ផលិតករភាពយន្តវ័យក្មេងកម្ពុជាដែលនឹងត្រូវបានដឹកនាំដោយក្រុមអ្នកជំនាញវិជ្ជាជីវៈ និងមានបទពិសោធក្នុងវិស័យនេះរួមបញ្ចូលទាំងថ្នាក់បណ្ដុះបណ្ដាលសរសេរសាច់រឿង រយៈពេលពីរថ្ងៃ វគ្គដឹកនាំរឿងនិងថតរយៈពេលបីថ្ងៃ និងវគ្គកាត់តរយៈពេលប្រាំថ្ងៃ។ ក្រោមការឧបត្ថម្ភទាំងស្រុងដោយក្រុមហ៊ុនសែលកាត FILM CAMP MARATHON នឹងផ្តោតទៅលើបច្ចេកវិទ្យានិងគំនិតច្នៃប្រឌិតបង្កើតថ្មី។ ការចូលរួម FILM CAMP MARATHON ត្រូវធ្វើឡើងតាមរយៈការដាក់ពាក្យហើយរាល់កិច្ចខិតខំប្រឹងប្រែងរបស់អ្នកចូលរួមទាំងអស់នឹងត្រូវដាក់បញ្ចាំងក្នុងព្រឹត្តិការណ៍ប្រចាំឆ្នាំដែលបានគ្រោងរៀបចំនៅថ្ងៃទី ៦-៨ ខែវិច្ឆិកាឆ្នាំនេះដែលអ្នកឈ្នះនឹងទទួលបានទូរសព្ទទំនើប និងគម្រោងឥតគិតថ្លៃជាច្រើនពីសែលកាត។
លោក នីក វ៉ានវីន នាយកទីផ្សាររបស់ក្រុមហ៊ុនសែលកាតបានឱ្យដឹងថា “ជាមួយFILM CAMP MARATHON នេះយើងមានបំណងលើកទឹកចិត្តដល់ផលិតករភាពយន្តវ័យក្មេងរបស់កម្ពុជា។កម្ពុជាកំពុងឈានឆ្ពោះទៅកាន់យុគសម័យឌីជីថលកាន់តែទំនើប ហើយនេះជាការបង្កើតនូវឱកាសមួយក៏ដូចជាតម្រូវការចាំបាច់ដែលផ្ដល់សម្រាប់បរិបទពាក់ព័ន្ធក្នុងស្រុក។ កត្តានេះអាចទាញយកប្រភពធនធានពីក្នុងចំណោមអ្នកមានទេពកោសល្យក្នុងស្រុក ហើយ FILM CAMP MARATHON នឹងអាចជួយកំណត់អត្តសញ្ញាណនិងបង្ហាត់បង្ហាញដល់អ្នកមានទេពកោសល្យទាំងនេះឱ្យកាន់តែប្រសើរ ដើម្បីរួមចំណែកក្នុងវិស័យភាពយន្តខ្មែរនាពេលអនាគត”។
ភាពយន្តទាំងអស់របស់មហោស្រពភាពយន្តខ្លីចតុម្មុខរួមទាំងខ្សែភាពយន្តដែលបានផលិតដោយ FILM CAMP MARATHON នឹងត្រូវចាក់បញ្ចាំងនៅរោងភាពយន្ត Major Cineplexby Cellcardរោងភាពយន្ត Legend និងរោងភាពយន្ត Platinum Cineplex ចាប់ពីថ្ងៃទី ៦-៨ ខែវិច្ឆិកា។
0 comments:
Post a Comment