ខណៈដែលវីដេអូចម្រៀងរបស់តារាចម្រៀងកូរ៉េខាងត្បូងត្រូវបានគេទទួលស្គាល់ថាមានភាពរស់រវើកនិងអស្ចារ្យ វីដេអូខ្លះក៏ត្រូវរដ្ឋាភិបាលនិងទូរទស្សន៍ល្បីៗមិនយល់ព្រមឲ្យចាក់ផ្សាយដែរ ដោយសារវីដេអូចម្រៀងទាំងនោះបង្ហាញពីសកម្មភាពមិនសមរម្យដល់សង្គម និងបង្ហាញភាពសិចស៊ីខ្លាំងពេក។ ខាងក្រោមជាវីដេអូចម្រៀង១០បទដែលជាប់បម្រាមមិនឲ្យចាក់ផ្សាយលើទូរទស្សន៍នៅកូរ៉េ៖
១. បទ “GENTLEMAN” របស់ PSY
ថ្វីបើបទនេះមានចង្វាក់រាំប្លែកដូចទៅនឹងបទ “Gangnam Style” ប៉ុន្តែវាត្រូវជាប់បម្រាមមិនឲ្យលេចមុខលើទូរទស្សន៍។ ហេតុផលគឺដោយសារតែឈុតដំបូងនៃវីដេអូចម្រៀងបទ “GENTLEMAN” PSY បានទាត់ផ្លាកសញ្ញាត្រីកោណពណ៌លឿងសម្រាប់ចតឡាន ថែមទាំងសើចយ៉ាងសប្បាយចិត្ត។ ទូរទស្សន៍KBS បាននិយាយថា សកម្មភាពនេះគឺមិនសមរម្យសម្រាប់ផ្សាយចេញឲ្យទស្សនិកជនបានឃើញ។
២. បទ “Your Fortune” របស់ក្រុម Norazo
ដោយឡែកសម្រាប់បទរបស់ក្រុម Norazoមួយនេះក៏ត្រូវជាប់បម្រាមដូចគ្នា ព្រោះវាបង្ហាញការវេទមន្តសណ្ដំនៅវគ្គដំបូង មិនត្រឹមតែប៉ុណ្ណោះតួសម្ដែងក្នុងបទនេះបានបង្ហាញរូបសាក់នៅលើខ្លួនដែលគិតថាវាជារូបភាពមិនសមសម្រាប់ការបង្ហាញទៅខាងក្រៅ។
៣. បទ “Catallena” របស់ Orange Caramel
សម្រាប់បទនេះទូរទស្សន៍ KBS គិតថា ឈុតនៃការសម្ដែងក្នុងបទចម្រៀងគឺមិនឲ្យតម្លៃលើជីវិតរបស់មនុស្ស។ ជាពិសេសត្រង់ឈុតមួយនៅពេលដែលក្រុម Orange Caramel ត្រូវគេវេចខ្ចប់ក្នុងប្រអប់ប្លាស្ទិកទាំង៣នាក់។
៤. បទ “Joker” របស់ក្រុម Dalshabet
ចំពោះបទនោះត្រូវទូរទស្សន៍ដាក់បម្រាមដោយសារតែ អត្ថន័យនិងការស្លៀកពាក់របស់ក្រុមចម្រៀង Dalshabet បង្ហាញពីភាពសិចស៊ីហួសហេតុពេក។
៥. បទ “Vibrato” របស់ក្រុម Stellar
សម្រាប់បទនេះក៏មិនសូវខុសគ្នាពីបទរបស់ក្រុម Dalshabet ដែរ ដោយផ្ទៃនៃវីដេអូចម្រៀងបានបង្ហាញសំលៀកបំពាក់និងក្បាច់រាំបញ្ចេញសាច់ខ្លាំងក្លាពេក។
៦. បទ “Mommae” របស់ Jay Park
ងាកមកមើលបទចម្រៀងរបស់អតីតសមាជិកក្រុម 2PM រូបនេះក៏ត្រូវទូរទស្សន៍ដាក់បម្រាមផ្សាយចេញទៅក្រៅដែរ ព្រោះក្នុងវីដេអូ ទាំងតារាចម្រៀង និងសម្ដែងបង្ហាញសកម្មភាពមិនសមរម្យនិងសិចស៊ីជ្រុលខ្លាំងពេក។
៧. បទ “Sorry I Was Busy” របស់ក្រុម INFINITE H
មួយបទរបស់ក្រុម INFINITE H វិញត្រូវទូរទស្សន៍ KBS មិនចាក់បង្ហាញ ព្រោះអត្ថន័យនៃបទចម្រៀងមានពាក្យប្រមាថនិងគ្រោតគ្រាត ជាភាសាជប៉ុន។
៨. បទ “One More” របស់ក្រុម FIESTAR
រឿងហេតុដែលបទ “One More” មិនត្រូវយកមកចាក់ផ្សាយតាមទូរទស្សន៍ព្រោះ អត្ថន័យនៃបទចម្រៀងបានផ្សារភ្ជាប់បង្កប់ន័យតណ្ហា។
៩.“BAE BAE” របស់ក្រុម BIGBANG
ចំពោះបទរបស់ក្រុមក្នុងផលិតកម្ម YG មួយនេះក៏ត្រូវជាប់បម្រាមដូចគ្នា ដោយសារតែឈុតខ្លះនៃបទចម្រៀងបង្ហាញពីសកម្មភាពផ្លូវភេទដូចជា GD អង្គុយនិងយកដៃស្ទាប់គូទម៉ាន់នឺកាំងជាដើម។
១០. បទ “Tough Cookie” របស់ Zico
សម្រាប់វីដេអូចម្រៀងមួយបទនេះត្រូវបានទូរទស្សន៍ហាមដោយសារតែទំនុកច្រៀងបង្ហាញន័យអាសអាភាសនិងបញ្ចេញរូបភាពមិនសមរម្យ ៕
0 comments:
Post a Comment