តារាសម្ដែងកញ្ញាសេង សូណា ដែលពូកែខាងអន្ទងបេះដូងបុរសចាស់ ឬអ្នកជំនួញដែលសំបូរលុយចាយមិនអស់ឲ្យឈ្លក់វង្វេងលង់ស្នេហ៍នឹងសម្រស់របស់នាងនោះ ត្រូវបានគេនិយាយថា ពេលនេះនាងកំពុងតែលួចមានទំនាក់ទំនងស្នេហាដូចទឹកក្នុងក្អមជាមួយបុរសអ្នកជំនួញធំម្នាក់ជាកូនខ្មែរកាត់ចិនតៃវ៉ាន់។
គេនិយាយទៀតថា តារាសម្ដែងកញ្ញាសេង សូណាស្គាល់បុរសកូនខ្មែរកាត់ចិនតៃវ៉ាន់ ដែលជាអ្នកជំនួញ ធំរកស៊ីខាងគ្រឿងក្រអូបពីចិនតៃវ៉ាន់នាំចូលមកកម្ពុជា(សុំមិនបញ្ចេញឈ្មោះ)វ័យជាង៤០ឆ្នាំរូបនេះជាង៣ខែហើយតាមរយៈមិត្តភក្តិដោយជួបគ្នាដំបូងនៅខេត្តសៀមរាប ហើយបើតាមដឹងបុរសម្នាក់នោះ មានប្រពន្ធជាជនជាតិម៉ាឡេស៊ី និងថែមទាំងមានកូន១ទៀតផង។
ប្រភពពីអ្នកសិល្បៈរួមអាជីពដែលស្និទ្ធនឹងកញ្ញាសេង សូណាបាននិយាយឲ្យដឹងថា រយៈពេលជាច្រើនខែនេះ កញ្ញា សេង សូណាមិនបានបង្ហាញមុខតាមកម្មវិធីសិល្បៈឬក៏ចេញសម្ដែងនោះទេ ព្រោះនាងកំពុងជាប់ដៃរវល់កើបលុយពីមុខជំនួញដែលផ្តល់ឲ្យពីគូស្នេហ៍ ហើយបើតាមដឹងបុរសម្នាក់នេះយកចិត្តយកថ្លើមនាងសំបើមណាស់។ ប្រភពដដែលអះអាងទៀតថា ពេលនេះនាងនិងអ្នកជំនួញចិនតៃវ៉ាន់នោះកំពុងតែនាំគ្នាដើរលេងនៅខេត្តក្រចេះនិ ងតាមបណ្តាខេត្តមួយចំនួនដោយលែងខ្វល់ខ្វាយពីអាជីពសិល្បៈដូចមុនទៀតហើយ។
ប្រភពខាងលើនិយាយទៀតថា រឿងអាស្រូវចាស់មិនទាន់ទាំងស្ងប់ស្ងាត់ផងឥឡូវបែរជាតារាសម្ដែងវ័យ២៤ឆ្នាំរូបនេះមកលួចបណ្តើរសង្សារជាអ្នកជំនួញគ្រឿងក្រអូបធ្វើឲ្យមានការសង្ស័យសម្រាប់មហាជនកាន់តែខ្លាំង ហើយគេសង្កេតឃើញថា មួយរយៈនៃការបាត់មុខនាងពីអាជីពសិល្បៈនេះ នាងមិនបានធ្លាក់កូដនោះទេផ្ទុយទៅវិញកាន់តែមានសភាពហ៊ឺហា!សាច់ឈាមទ្រលុកទ្រលន់របៀបជាអ្នកមានផ្ទៃពោះថែមទៀតផង។
តាមរយៈប្រព័ន្ធទូរស័ព្ទដៃរបស់តារាសិល្បៈដែលមានស្រុកកំណើតនៅខេត្តបាត់ដំបងរូបនេះ«កម្ពុជាថ្មី»មិនអាចទាក់ទងដើម្បីសុំសួរនាំអំពីព័ត៌មានលេចឮខាងលើនេះបានទេកាលពីរសៀលថ្ងៃទី១៤ខែកញ្ញានេះ៕
0 comments:
Post a Comment