ផលិតកម្មភាពយន្ត Disney បានបង្ហាញ Trailer ថ្មីរឿង “The Jungle Book” កាលពីថ្ងៃអង្គារ ដែលមានតារាសម្ដែងវ័យក្មេង Neel Sethi សម្ដែងជាតួអង្គ Mowgli។
ខុសប្លែកពីសព្វមួយដងរឿង “The Jungle Book” មុនៗតួ Mowgli ត្រូវសម្ដែងដោយតួតុក្កតា ប៉ុន្តែចំពោះរឿងថ្មីនេះគឺសម្ដែងដោយមនុស្សពិតៗ។ នៅក្នុង Trailer នៃសាច់រឿងបង្ហាញពីជីវិតផ្សងព្រេងដើម្បីស្វែងយល់ពីខ្លួនឯងរបស់កុមារាមួយរូបដែលមានឈ្មោះថា Mowgliដែលមានកំណើតក្នុងព្រៃជាមួយគ្រួសារឆ្កែព្រៃមួយហ្វូង។
ប៉ុន្តែអំឡុងពេលធ្វើដំណើរនៅក្នុងព្រៃ Mowgli ត្រូវជួបឧបសគ្គនិងរត់គេចពីសត្វសាហាវជាច្រើនដូចជា ខ្លា ពស់ ដំរី និងស្វាជាដើម។ រឿង “The Jungle Book” ថ្មីនេះដឹកនាំដោយលោក Jon Favreauដែលធ្លាប់ដឹកនាំរឿង “Iron Man” “Cowboys” និង សរសេរអត្ថបទរឿងដោយលោក Justin Marks ។
ខណៈដែល Neel Sethi ដែលមានអាយុទើបតែ១០សម្ដែងជាតួ Mowgli តារាសម្ដែង Idris Elba ត្រូវបញ្ចូលសំឡេងសត្វខ្លាដែលមានឈ្មោះថា Shere Khan រីឯ តារាសម្ដែង Bill Murray បញ្ចូលសំឡេងជាសត្វខ្លាឃ្មុំ Baloo តារាសម្ដែងBen Kingsley បញ្ចូលសំឡេងឲ្យខ្លារខិនខ្មៅ Bagheera និង Giancarlo Esposito បញ្ចូលសំឡេងឲ្យឆ្កែព្រៃ Akela។ “The Jungle Book” នឹងចាក់បញ្ចាំងនៅក្នុងរោងកុននៅថ្ងៃទី ១៥ ខែ មេសា ឆ្នាំ ២០១៦។
សូមមើល Trailerថ្មីរឿង “The Jungle Book” ខាងក្រោម៖
0 comments:
Post a Comment